भारतीय संस्कृतीच्या विशाल परंपरेत वारकरी संप्रदायाचे स्थान अत्यंत उंच आहे. वारकरी संप्रदायिक सर्वच संतांनी लोकभाषेतून समाजाला अध्यात्मकडे प्रवृत्त केले. संस्कृतभाषेतील कठीण शास्त्र न वापरता सोप्या ओव्या, अभंग आणि इतर रचनांद्वारा अध्यात्म लोकांपर्यंत पोहोच केला. त्यामुळे वारकरी संप्रदाय हा “सर्वसामान्यांचा धर्ममार्ग” ठरला. वारकरी परंपरेत भक्ती ही केवळ उपासना नसून ती जीवन जगण्याची दिशा आहे.

पावन तिथी कार्तिक वद्य त्रयोदशी अर्थात श्री संत ज्ञानेश्वर महाराज संजीवन समाधी दिन या शुभदिनी, संत परंपरेच्या अखंड कीर्तन परंपरेला शुद्ध सांप्रदायिक रीतीने पुढे नेण्याच्या संकल्पातून
“कीर्तन गुरुकुल अंतर्गत वारकरी कीर्तनाचा ऑनलाईन अभ्यासवर्ग या अद्वितीय उपक्रमाचा शुभारंभ होत आहे.

संतांचा उपदेश, हरिनामाचा गजर आणि वारकरी परंपरेची शिकवण यांचा अभ्यास व प्रचार करण्यासाठी हे गुरुकुल सर्वांसाठी खुले राहील.